TEEN RECORDS

O proxecto Teen Records naceu como traballo de fin de grao de Comunicación Audiovisual no ano 2016 como unha plataforma para impulsar os novos músicos galegos da nosa contorna. Finalmente, converteuse nunha iniciativa real de selo discográfico adolescente dirixido ao scouting, rexistro, produción, promoción, difusión e distribución do talento adolescente en Galicia. Un proxecto que pretende abrirse paso coa finalidade de brindar unha oportunidade ao talento adolescente dentro da Industria Musical.

​

Os anos 2016, 2017 e 2018 gozamos de conseguir as subvencións de Iniciativa Xove por parte da Xunta de Galicia, o que nos permitiu tanto ás miñas compañeiras coma a min desenvolver o proxecto no tempo.

​

No ano 2016, desenvolvín as tarefas do Departamento de Comunicación, conseguindo visualizar o proxecto tanto nas redes sociais coma nos medios tradicionais, a televisión e a radio.

Nos anos posteriores, a miña función foi collendo camiño cara o Departamento Audiovisual.

​

É preciso destacar que o conxunto de compañeiras que formamos Teen Records destinamos as nosas accións a cubrir as actividades e necesidades de todos os departamentos de forma polifacética.

​

Vexamos algúns dos videos!

​